Pabutihin ang Iyong Kapakanan sa Pamamagitan ng Pagpapalakas

Ang pagpapalakas ay isang bagay sa iyong buhay na maaari mong isagawa upang pabutihin ang iyong kalusugan. Ang palagiang pagpapalakas ay makakatulong upang bumuti ang iyong pakiramdam at makakatulong sa pagpapagaling ng iyong katawan habang ikaw ay nagpapagamot at kahit pagkatapos ng pagpapagamot.

Pumili ng uri ng pagpapalakas na hilig mo at naaayon sa uri ng iyong pamumuhay. Ang mag-unat ng ilang minuto sa umaga ay sandali lamang isagawa at hindi pagkakagastusan. Nababanat ng pag-uunat ang iyong mga kalamnan at nakapag-papasigla ito ng iyong pakiramdam at isang magandang pamamaraan sa pag-simula ng iyong araw. Ang pag-bisikleta, paglangoy, pagsasayaw, yoga, aerobics o ang pag-aaral ng martial arts ay maaaring makapagbigay lakas at sigla, kapayapaan sa diwa at katawan at makapagbigay ng tuwa sa buhay.

“Ang pagpapalakas ay naging isang mahalagang bahagi ng aking pakikipag-kaibigan ngayong mayroon na akong panibagong pangangatawan. Nakatulong ito sa akin upang maramdaman ko na kaya ko pa ring gawin ang lahat ng bagay na aking ginagawa nuong bago ako magkasakit.”

Ang pagpapalakas ay dapat ikasiya at magdulot ng masayang damdamin. Kung ang iyong pagpapalakas ay nakakainip at nagiging parusa sa halip na nakakasaya, humanap ka ng bagong gawain. Kung nahihirapan kang magpalakas mag-isa, humanap ng isang klase o di-kaya’y isang makakasabay na kaibigan. Nakakatulong ang mayroong kasama na nakakalibang habang nagpapalakas. Kung nais mo naman ang magpalakas sa isang health club, humanap ka nuong maginhawa ang kapaligiran.

Ang Pagpapalakas at Lymphedema

Ang pagpapalakas o mga gawain na nagbibigay ng pabigat o tindi sa iyong mga bisig habang ang mga ito ay nakababa ay maaaring magdulot ng lymphedema. Maaari lamang ay iwasan mo ang push-ups o ang pagbuhat ng mabibigat na bagay. Mas mabuti pa ang pull-ups o ang pagbuhat ng mabigat habang ang mga bisig ay nasa pataas na kalagayan.

Kapag nagkaroon ka ng lymphedema, may iba’t ibang paraan na maaari mong pagpilian. Ilan sa mga ito ay ang paghehersisyo, marahang pagmamasahe upang dumaloy ang lymphatic fluid (manual lymph drainage), compression bandaging, customized compression sleeves at ang pneumatic compression sleeves. Dapat kang sumangguni sa isang manggagamot na nakakaalam tungkol sa iba’t ibang uri ng paggamot upang malaman kung ano ang pinakamabuti para sa iyo.

Email This Page: